ԱՄՆ-ի հետ բարձր մակարդակով բանակցելու Հյուսիսային Կորեայի առաջարկը կդառնա քննարկումների թեմա խորհրդակցությունների ժամանակ, որոնք առաջիկա օրերին տեղի են ունենալու Վաշինգտոնում ԱՄՆ-ի, Ճապոնիայի, Հարավային Կորեայի միջև: Ինչպես հաղորդում է ITAR-TASS-ը, այս մասին հայտարարել է ԱՄՆ-ի վարչակազմի ներկայացուցիչը:
«Մենք կհանդիպենք մեր ճապոնացի և հարավկորեացի գործընկերների հետ եռակողմ ձևաչափով, և դա կլինի քննարկման թեմաներից մեկը»,- ասել է նա:
Ավելի վաղ ԱՄՆ-ի Ազգային անվտանգության խորհրդի պաշտոնական ներկայացուցիչ Քեյթլին Հեյդենը հայտարարել էր, որ ԱՄՆ-ը պատրաստ է բանակցել Հյուսիսային Կորեայի հետ, սակայն հանրապետությունը պետք է կատարի իր միջազգային պարտավորությունները միջուկային ոլորտում, այդ թվում՝ ՄԱԿ-ի Անվտանգության խորհրդի բանաձևերը:
