Աուտիզմով տառապող երեք տարեկան աղջնակն իսկական ֆուրոր է առաջացրել արվեստի աշխարհում իր անսովոր նկարով, որն աճուրդով վաճառվել է Լոնդոնում, հաղորդում է The Daily Mail-ը:
Իրիս Գրեյս Հալմշոուն նկարչությամբ սկսել է զբաղվել որպես թերապիա, սակայն երբ ծնողները որոշել են նրա աշխատանքները վաճառքի հանել, նրանց զարմացրել է, որ մի նկարի համար իրենց 1200 դոլար են տվել: Բացի այդ, նկարելն օգնել է նաև երեխային. նա այժմ ավելի շատ է խաղում ծնողների հետ և ավելի երջանիկ տեսք ունի:
Աղջկա մայրը նշել է, որ դրական արձագանքներ է ստացել դստեր նկարների վերաբերյալ այն բանից հետո, երբ դրանք տեղադրվել են Facebook-ում:
Այսօրվա դրությամբ ընտանիքը վաճառել է Իրիսի ութ նկար և նախտեսում է վաճառել ամենահաջողված նկարների ֆոտոպատճենները:
Աղջկա մոտ, որը չի կարողանում խոսել, աուտիզմը հայտնաբերվել է նախորդ տարի՝ այն բանից հետո, երբ նրա ծնողները նկատել են, որ փոքրիկը հազվադեպ է տեսողական շփում հաստատում իրենց հետ:
