ԱՄՆ-ում հորատման աշտարակների թիվը հասել է ռեկորդային նվազագույնի

ԱՄՆ նավթագազային արդյունաբերությունում հորատման աշտարակների թիվը մեկ տարում ավելի քան կրկնակի կրճատվել է: Այս մասին հայտնում է Baker Hughes նավթարդյունահանող ընկերությունը՝ փոխանցում է RIA Novosti-ն։

Նրա տվյալներով՝ ներկայում ԱՄՆ-ում աշխատում է նավթի ու գազի որոնման 415 աշտարակ։ Մեկ տարի առաջ դրանց թիվը եղել է 894։

Նավթի որոնման պիկը եղել է 4500 ցուցանիշը՝ 1981 թվականին։

Աշտարակների թվի նվազումը բացատրվում է էներգառեսուրսների գնի անկմամբ և արդեն հետազոտված հանքերի մեծ թվով։