Ուկրաինայի նախագահի պաշտոնական կայքում գրանցվել է խնդրագիր` 2017 թվականից երկրում բնական գազն արգելելու խնդրանքով, հայտնում է RIA Novosti-ն:
Դիմումում նշվում է, որ այդ դեպքում կլուծվեն «երկնագույն վառելիքի» գնման, տեղափոխման, սուբսիդավորման, ինչպես նաև «օլիգարխների կողմից գազի գների մանիպուլյացիաների միջոցով եկամուտներ ստանալու» խնդիրները: Այլընտրանքային վառելիքի անցման համար կպահանջվի 8 ամիս, համարում է դիմումի հեղինակը:
Նախագահի դիտարկման համար հարկավոր է, որ 92 օրում խնդրագիրը ստորագրի 25 հազար մարդ:
