Չինական Հունան նահանգում լույս աշխարհ է եկել տղա, որն ունի 31 մատ՝ 15-ը ձեռքերին, 16-ը ոտքերին։ Երեխան յուրաքանչուր ձեռքին ունի երկուական ափ։ Բացակայում են բութ մատները՝ հայտնում է CNN-ը։
Պոլիդակտիլիան բավականին տարածված անատոմիական շեղում է, որը հանդիպում է 5000 նորածնից մեկի մոտ։ Որպես կանոն, ավելորդ մատները հեռացվում են դեռևս մանուկ հասակում։
Երեխայի ծնողները փորձում են 30 հազար դոլար հավաքել վիրահատության համար, համացանցի միջոցով նրանք արդեն կարողացել են հավաքել ավելի քան 6000 դոլար։ Ավելորդ մատների հեռացումից բացի՝ բժիշկները նրա համար պետք է ստեղծեն բութ մատներ, առանց որոնց հնարավոր չէ առարկա բռնել։
Հատկանշական է, որ երեխայի մայրը նույնպես նման խնդիր ունի, նա 6-ական մատ ունի ձեռքերին ու ոտքերին։ Նման անոմալիայով են ծնվել նաև այնպիսի հայտնիներ, ինչպիսիք են Օփրա Ուինֆրին և Հոլի Բերին։ Իսկ ռեկորդը պատկանում է հնդիկ Ակշատ Սաքսենին, ով ունի ընդհանուր 34 մարդ՝ 7-ական ձեռքերին, 10-ական ոտքերին։
