TMZ-ի փոխանցմամբ` ամերիկացի Ռոբերտ Էրլ Մորգանը դատի է տվել կանադացի երգիչ Ջասթին Բիբերին: Նա երգչից պահանջել է 100 հազար դոլար այն բանի համար, որ վերջինս կոտրել է նրա սմարթֆոնը:
Դեպքը տեղի է ունեցել Հյուսթոնի գիշերային ակումբներից մեկում ապրիլ ամսին: Մորգանը հանգստացողների մեջ նկատելով Բիբերին փորձել է նրան լուսանկարել: Այդ պահին զայրացած երաժիշտը նրա ձեռքից խլել է հեռախոսը և նետել հատակին:
Երիտասարդը պնդում է, որ շատ կորած լուսանկարներ հնարավոր չէ վերականգնել, օրինակ՝ իր տատիկի հարյուր ամյակին արվածները:
Ոչ Բիբերը, ոչ էլ նրա ներկայացուցիչներն առայժմ չեն արձագանքել տեղի ունեցածին: