ՀԱՊԿ հավաքական ուժերը կարող են մեկ օրվա ընթացքում հակազդել ցանկացած սպառնալիքի կազմակերպության պետությունների սահմաններում: Այս մասին RIA Novosti-ին հայտնել է ՀԱՊԿ Միացյալ շտաբի պետ գեներալ-գնդապետ Անատոլի Սիդորովը:
Երեկ հաղորդվել էր, որ Տաջիկստանում ընթանում են ՀԱՊԿ անդամ պետությունների ռազմական հետախուզության ստորաբաժանումների «Որոնում-2016» առաջին համատեղ վարժանքները:
«Իրական սպառնալիքի հայտնվելու դեպքում, չնայած ՀԱՊԿ-ի հավաքական ուժերի կազմի մեջ մտնող զորամասերի ստորաբաժանումների միջև հեռավորությանը, քաղաքական որոշման ընդունումից հետո մեկ օրվա ընթացքում ՀԱՊԿ-ի օպերատիվ արձագանքման հավաքական ուժերի առաջապահ ստորաբաժանումները կսկսեն իրական օգնություն ցուցաբերել այն պետությանը, որը դիմել է ՀԱՊԿ-ի օգնությանը»,-ասել է նա:
