Եվրասիական տնտեսական միությունը (ԵԱՏՄ) կայացել է՝ որպես ժամանակակից, արդյունավետ միություն, որն արդյունքներ է տալիս նույնիսկ տնտեսական բարդ իրավիճակում և կայունացնող դեր է խաղում անդամ-երկրների տնտեսությունների վրա: RIA Novosti-ի հաղորդմամբ՝ այս մասին հայտարարել է Ռուսաստանի վարչապետ Դմիտրի Մեդվեդևը:
Նա նշել է, որ ընդհանուր առմամբ ԵԱՏՄ-ի և անդամ-երկրների տնտեսությունների վրա ազդեցություն են գործում արտաքին գործոնները՝ ներառյալ գլոբալ ֆինանսական և ապրանքային շուկաների անկայունությունը:
«Սակայն վիճակագրական տվյալները վկայում են, որ Միության գործունեությունը կայունացնող դեր է խաղում «հնգյակի» պետությունների տնտեսությունների համար: 180 մլն սպառողներով միասնական շուկան ըստ կողմնորոշման ավելի կայուն է, ավելի շատ պահուստներ ունի, քան առանձին վերցրած տնտեսությունները»,- ասել է Մեդվեդևը:
