Իսրայելի հատուկ ծառայությունները ներխուժել են Պաղեստինի օրենսդիր մարմնի գլխավոր քարտուղար, «Համաս» շարժման անդամ Մահմուդ Ռամահիի տուն և ձերբակալել նրան, հայտնում է արաբական Al-Jazeera–ն։
Ռամահիի ձերբակալությունն իրականացվել է այսօր՝ Ռամալա քաղաքում։ Հայտնի չէ, թե իսրայելցի ուժայինները ուր են տարել Պաղեստինի խորհրդարանի ղեկավարին։ Իսրայելի ռազմական ղեկավարության ներկայացուցիչներն այս առնչությամբ դեռ որևէ մեկնաբանություն չեն արել։ Ռամահիի գործընկեր Մոնա Մանսուրի տեղեկացմամբ, խորհրդարանականը հասցրել է հեռաձայնել իրեն ու հայտնել, որ իսրայելցի զինվորականները գրոհել են իր տունը, այնուհետև ձերբակալվել։
«Դրանից հետո կապն ընդհատվեց, և ոչ ոք չգիտի, թե ուր են նրան տարել»,– ասել է Մանսուրը։
Առևանգված Ռամահիի կնոջ խոսքերով, հարձակվողներից ոմանք դիմակավոր էին։
«Համասի» անդամ հանդիսացող Պաղեստինի խորհրդարանի փոխնախագահ Ահմեդ Բահարը իսրայելցիների գործողությունները որակել է որպես «Պաղեստինի դեմ պատերազմի շարունակություն»։