Հունաստանի «Ոսկե արշալույս» ուլտրաաջ կուսակցության եվրապատգամավոր Էլեֆտերիոս Սինադինոսին վտարել են լիագումար նիստից ռասիստական արտահայտության համար: Այդ մասին հայտնում է iefimerida.gr-ը:
Պատճառը փախստականների հարցով քաղաքական գործչի ելույթն էր: Մասնավորապես, նա հայտարարել է. «Ինչպես գրել են օսմանյան գիտնականները՝ թուրքերը բարբարոսներ են, կեղտոտ, նման են շներին՝ հաչում են, երբ թշնամին նահանջում է»:
«Այստեղ կարմիր գիծը հատելու փորձ է արվում, որպեսզի ռասիզմը դառնա թույլատրելի: Ինձ հետ դա տեղի չի ունենա»,- հայտարարել է Եվրախորհրդարանի նախագահ Մարտին Շուլցը:
Այնուհետև հղում անելով մարդու իրավունքների կոպիտ խախտման մասին Եվրամիության 165-րդ հոդվածին՝ Շուլցը Սինադինոսին առաջարկել է անմիջապես լքել նիստը:
Նշվում է, որ նման սկանդալ առաջին անգամ է տեղի ունեցել Եվրախորհրդարանի ողջ պատմության մեջ:
