ՆԱՏՕ-ի գլխավոր քարտուղար Յենս Սթոլթենբերգը անհանգստություն է հայտնել Միջերկրական ծովում Ռուսաստանի ակտիվության պատճառով: Ինչպես հաղորդում է Interfax-ը՝ նա այդ մասին հայտարարել է մարտի 7-ին՝ երկուշաբթի օրը, Թուրքիայի վարչապետ Ահմեթ Դավութօղլուի հետ հանդիպումից հետո:
Սթոլթենբերգը Ռուսաստանին է պատասխանատու համարում Սիրիայից Եվրոպա փախստականների թվի աճի համար:
«Ռուսական ռազմական գործունեությունը սնուցեց մարդասիրական ճգնաժամը և ավելի շատ մարդկանց հրեց դեպի թուրքական սահմաններ: Այն նաև հանգեցրեց Թուրքիայի օդային սահմանի խախտման»,- ասել է նա:
Սթոլթենբերգը հայտնել է, որ ՆԱՏՕ-ն կմեծացնի ավիացիայի ու նավատորմի ներկայությունը Սիրիայի հետ սահմանին և Միջերկրական ծովի արևելքում՝ հետախուզական գործունեությունն ակտիվացնելու և Թուրքիային աջակցելու համար:
«Մենք հարավից բախվում ենք մեր անվտանգության լուրջ մարտահրավերների, և Թուրքիան գտնվում է առաջնային մասում: ՆԱՏՕ-ն ուս ուսի կանգնած է իր անդամներից մեկի՝ Թուրքիայի հետ: Մենք որոշում ենք ընդունել մեծացնել դաշինքի ջանքերը՝ Սիրիայում հետախուզական տեղեկություն հավաքելու հետ կապված: Դաշինքը կմեծացնի իր АВАКС ինքնաթիռների թռիչքների թիվը՝ իրավիճակի մոնիթորինգի համար, և Միջերկրական ծովի արևելքում կմեծացնի իր ծովային և օդային ներկայությունը»,- ընդգծել է Սթոլթենբերգը:
