Գերմանիան ի զորու չէ տարեկան մեկ մլն փախստական ընդունել։ Այս մասին հայտարարել է փոխկանցլեր, էկոնոմիկայի և էներգետիկայի հարցերով նախարար Զիգմար Գաբրիելը Bild-ի հետ հարցազրույցում։
Նա նշել է, որ Գերմանիայի կառավարությունը ձգտում է մի կողմից ԵՄ-ում մարդասիրական միգրացիոն քաղաքականության անցկացման, մյուս կողմից՝ ժամանող ներգաղթյալների թվի կրճատման։ «Դա իմ և կանցլերի նպատակն է, ես աջակցում եմ Բրյուսելում նրա ջանքերին»,- նշել է Գաբրիելը։
«Շատ մարդիկ Գերմանիայում գաղտնի ուրախանում են, որ բալկանյան երկրները կրճատում են հոսքը՝ փակելով սահմանները, և այդպես ասած՝ Գերմանիայի փոխարեն անում են «սև գործը»։ Ես նման դիրքորոշումը ցինիկ եմ համարում»,- ընդգծել է փոխկանցլերը։
«Երկարաժամկետ հեռանկարում դա չի օգնի։ Փախստականները կփնտրեն (Եվրոպա ներթափանցման) այլ ուղիներ։ Վերջնական արդյունքում Միջերկրական ծովը կրկին կվերածվի զանգվածային հուղարակավորման վայրի»,- նախազգուշացրել է նա։
