«Անկախ նրանից՝ Սերժ Սարգսյանը փորձում է տարանջատվել Ռ. Քոչարյանից թե չէ, հենց որ իրենց իշխանությանը, իրենց՝ որպես իշխանավորի գործունեությանը որևէ վտանգ սպառնա, միևնույն է, Ս. Սարգսյանը և Ռ. Քոչարյանը երկուսով են հանդիպելու, առանց Գալուստ Սահակյանի, առանց Հովիկ Աբրահամյանի, ու երկուսով են որոշելու, թե ինչպես դուրս գան այդ իրավիճակից: Առանց Սերժ Սարգսյանի, Ռոբերտ Քոչարյանը միանշանակ կդատվի:
Ռ. Քոչարյանը կողմ է իշխանափոխությանը միայն մի դեպքում, եթե ինքն է գալիս իշխանության, հակառակ դեպքում, ակնհայտ է, որ բացի Սերժ Սարգսյանից՝ ով էլ լինի իշխանության, Ռ. Քոչարյանը դատվելու է»,- «Առաջին լրատվական»-ի հետ զրույցում այս մասին ասաց «Հանրապետություն» կուսակցության առաջնորդ Արամ Սարգսյանը:
Արամ Սարգսյանի խոսքով՝ հոկտեմբերի 27-ից հետո Սերժ Սարգսյանը գնում է Եռաբլուր, այցելում է նաև Վազգեն Սարգսյանի ծնողներին, իսկ Ռ. Քոչարյանը երբևիցե չի այցելում Վ. Սարգսյանի տուն-թանգարան, ոչ էլ Եռաբլուր է գնում, հիմնականում ծաղկեպսակ էր ուղարկում:
«Այստեղ հոգեբանական սինդրոմ կա,- նշեց մեր զրուցակիցը,- մեղավորի սինդրոմ: Պիղատոս կայսրն էլ ձեռքերը լվաց ու ասաց, որ մեղավոր չէ»:
Մանրամասները՝ տեսանյութում:
