Իսլամիստ գրոհայինները Չեխիան օգտագործում են որպես տարանցիկ երկիր՝ Արևմտյան Եվրոպայից այսպես կոչված Իսլամական պետություն և հակառակը տեղափոխվելիս: RIA Novosti-ի հաղորդմամբ՝ այս մասին հայտնում է չեխական հեռուստատեսությունը՝ հղում անելով ՆԳՆ-ին:
«Չեխիան ներկայումս նախևառաջ տարանցիկ երկիր է ԴԱԻՇ-ի գործունեությանը մասնակցող անձանց համար,- ասվում է հաղորդագրության մեջ:- Արձանագրվել է նրանց կողմից իրենց տեղափոխությունների համար Պրահայի Վացլավ Հավելի անվան օդանավակայանի օգտագործում, նաև նրանցից ոմանց կարճաժամկետ ներկայություն Չեխիայում: Այստեղ մի քանի մարդ ձերբակալվել է և դատավարության համար փոխանցվել պետությունների, որտեղ նրանք ապրում են»:
Ավելի վաղ ֆրանսիական ԶԼՄ-ները հայտնել էին, որ Փարիզում 2015 թ. նոյեմբերի ահաբեկչությունների կազմակերպիչներից ոմանք եվրոպական երկրներից ԴԱԻՇ-ի մոտ և հակառակը գնացել են Չեխիայով՝ այդպիսով խուսափելու համար իրենց երկրի հատուկ ծառայությունների վերահսկողությունից:
Հաղորդվում է, որ այդ երկրի Անվտանգության և տեղեկատվության ծառայությունը երկրում ԴԱԻՇ-ի կամ դրա նմանների գաղափարախոսությանը համերաշխության դրսոևորման մի քանի դեպք է հայտնաբերել: «Նման դեպքերի մեծ մասն արձանագրվել է սոցցանցերում և չի հանգեցրել փաստացի գործողությունների»,- մեջբերում է հետռուստատեսությունը ՆԳՆ փաստաթուղթը:
