Ուսումը համալսարանում և մտավոր վարժանքները հասուն տարիքում միանշանակ օգնում են խուսափել ուղեղային վտանգավոր փոփոխությունների առաջացումից, ասում են փորձագետները: Դա գործող պաշտպանություն է Ալցգեյմերի հիվանդության դեմ, նշում է DNA India-ն: Իրականում, ծերունական թուլամտության վրա հասնելը հետաձգել հնարավոր է դպրոցի գոնե բոլոր դասարաններն ավարտելու դեպքում:
Իսկ համալսարան ընդունվելն ու հետագա ինտելեկտուալ աշխատանքն Ալցգեյմերի հիվանդության ռիսկն ավելի կնվազեցնեն: Դրական արդյունք կարելի է տեսնել նաև կենսակերպում որոշակի փոփոխությունների, ընդհանուր ֆիզիկական առողջության ամրապնդման դեպքում: Նշված խորհուրդներն արդիական են առաջին հերթին, APOE-E4 գենետիկ տարբերակով մարդկանց դեպքում, որը մեծացնում է Ալցգեյմերի հիվանդության առաջացման ռիսկը:
Սակայն, Մայոյի կլինիկայի գիտնականները պարզել են, որ մտավոր ակտիվությունը որոշ դեպքերում չի կարող ազդել տկարամտության պատճառի վրա: Հետազոտողները վերլուծել են դեմենցիայով չտառապող 400 կամավորների տվյալները:
70 տարեկանից մեծ 53 մասնակցի դեպքում չափավոր ճանաչողական խախտումներ են եղել: Կամավորներին բաժանել են երկու խմբի: Առաջին խմբում ընդգրկվել են մարդիկ, որոնք կրթության վրա ծախսել են ավելի քան 14 տարի, իսկ երկրորդում՝ ավելի պակաս սովորածները: Մասնակիցները լրացրել են հասուն տարիքում ֆիզիկական և մտավոր ակտիվության մակարդակների գնահատման համար նախատեսված հարցաթերթիկներ: Մասնագետները կամավորներին մագնիսա-ռեզոնանսային տամոգրաֆիա և պոզիտրոնա-էմիսիոնային տամոգրաֆիա են արել՝ պարզելու Ալցգեյմերի հիվանդության նշաններ կան, թե ոչ:
Հետազոտողները պարզել են, որ դեմենցիայի հետ կապված APOE4 գենի կրողներին ուսման 14 և ավելի տարիներն օգնել են հասուն տարիքում մտավոր ակտիվությունը բարձր մակարդակի վրա պահել:
