Բրազիլիայի նախագահ Դիլմա Ռուսեֆը մասնակցել է Ռեսիֆիում գտնվող «Արենա Պերնամբուկու» մրազադաշտի բացման արարողությանը: Նշենք, որ հունսին մարզադաշտը կընդունի Կոնֆեդերացիայի Գավաթի խաղարկության 3 հանդիպումները, իսկ հետագայում՝ «Մունդիալ-2014»-ի 5 հանդիպումներ:
Արենան նախատեսված է 46.000 հանդիսականների համար: Այն աշխարհի 2014 թվականի առաջնության համար կառուցված ամենաթանկարժեք մարզադաշտն է: Արենայի կառուցման համար ծախսվել է 590.1 մլն ԱՄՆ դոլար:
Բացման արարողության ժամանակ Ռուսեֆը խորհրդանշական հարված էկատարել գնդակով, ինչպես նաև նշել է, որ Բրազիլիան կատարում է ՖԻՖԱ-ի առջև ստանձնած բոլոր պարտականությունները:
«Հոռետեսները կարծում էին, որ մարզադաշտերը պատրաստ չեն լինի նախատեսված ժամկետներում, սակայն այսօր մենք ապացուցեցինք, որ կարող ենք բարձրորակ արենաներ կառուցել»,- Ռուսեֆին մեջբերում է Reuters-ը:
