2016 թվականի հունվարը նոր կլիմայական ռեկորդ է սահմանել` վերջին 135 տարվա միջին վիճակագրական ցուցանիշը գերազանցելով 1.13˚C-ով: Այդ մասին հայտնել են Climate Central-ի կլիմայագետները:
Օդերևութաբանության համաշխարհային կազմակերպության տարբեր գնահատումներով՝ անցած տարին եղել է դիտարկումների պատմության մեջ ամենատաքը: 2016 թվականին, ինչպես գրում են Climate Central-ից, շարունակվում է այդ միտումը:
Տաքացումը, ինչպես ցույց են տալիս ՆԱՍԱ-ի քարտեզները, փաստորեն ազդել է երկրագնդի բոլոր շրջանների վրա, իսկ առավելապես Հյուսիսային Ամերիկայի և Եվրասիայի արկտիկական ու բևեռային շրջանների վրա, որտեղ ջերմաստիճանը բարձրացել է 4-12 աստիճանով:
Այդ տաքացման շնորհիվ հյուսիսային բևեռներում սառցադաշտերի մակերեսի կրճատումը հերթական ռեկորդներ է սահմանել` հունվարին նորմայից ցածր լինելով 1.04 միլիոն քկմ-ով:
Այդպիսի տաքացման պատճառը ջերմոցային գազերի արտանետումներն են:
«Տաք» հունվարը, ինչպես պնդում են գիտնականները, բարձրացնում է այն բանի հավանականությունը, որ 2016 թվականը կարող է ավելի տաք լինել, քան 2015 թվականը: Եթե դա այդպես լինի, պատմության մեջ առաջին անգամ միմյանց հաջորդող երկու տարի ռեկորդ կսահմանեն:
