Ամերիկյան Associated Press լրատվական գործակալության փոխանցմամբ՝ ամերիկյան Eagles of Death Metal խումբը համերգ է տվել Փարիզի «Օլիմպիա» համերգասրահում։ Խումբը 2015 թվականի նոյեմբերի 13-ին ելույթ է ունեցել Փարիզի «Բատակլան» համերգասրահում, որտեղ ահաբեկիչների հարձակման հետևանքով զոհվեց 89 մարդ։
Նույն երեկոյան իսլամիստների կողմից Ֆրանսիայի մայրաքաղաքում իրականացված այլ հարձակումների հետևանքով զոհվել է 41 մարդ։ Դրա հետ կապված՝ «Օլիմպիա» համերգասրահի մուտքերը հսկել են զինված պահապանները, ստուգման են ենթարկվել այցելուները։
Ընդգծվում է, որ համերգին եկել են նաև նրանք, ովքեր ողջ են մնացել նոյեմբերյան ահաբեկչությունների ժամանակ։
