Դերասանուհի Գվինեթ Փելթրոուն դատի է տվել իրեն 17 տարի հետապնդող վտանգավոր երկրպագուին: Նա Լոս Անջելեսի դատարանում ցուցմունք է տվել տղամարդու դեմ, ով մշտապես իրեն ուղարկում է նվերներ, սեքս-խաղալիքներ և ամուսնանալու ցանկությամբ նամակներ: Այս մասին հաղորդում է Associated Press-ը:
Անցյալ շաբաթ դերասանուհին ցուցմուն ք է տվել ոմն Դանթե Սոյուի՝ 66 ծանրոցների համար, որը նա ստացել է 1999-2015-ի ընթացքում: Դրանց թվում են սուրբծննդյանն ուղարկված ականջօղեր, կրոնական բնույթի գրքեր, ամուսնանալու խոստմամբ նամակներ: Մեկ այլ նամակում նա ներողություն է խնդրում աստղին տառապանք պատճառելու համար:
Փելթրոուն հայտարարել է, որ դրանց պատճառով վախենում է իր և իր երեխաների կյանքի համար: Սոյուի փաստաբանն իր հերթին պնդել է, որ նա դերասանուհուն պարզապես նամակներ է հղել՝ փորձելով ծառայություն մատուցել, և որ դրանք չեն ունեցել պոռնոգրաֆիական բովանդակություն: 66-ամյա Սոյուն չի ընդունում իր մեղքը:
