Հյուսիսային Կորեայի կողմից գործողության մեծ շառավղով հրթիռի հնարավոր նոր արձակման մասին հաղորդագրություններն ընդգծում են Փխենյանի դեմ պատժամիջոցների հարցով ՄԱԿ ԱԽ բանաձևի մշակման կարևորությունը: Այս մասին հայտնել է ՄԱԿ-ում ԱՄՆ մշտական ներկայացուցիչ Սամանտա Փաուերը՝ գրում է RIA Novosti-ն:
Փաուերն ասել է, որ «հետագա սպառնացող սադրանքների մասին հաղորդագրությունները կամ ապակայունացնող գործողությունները միայն ևս մեկ անգամ ընդգծում են, թե որքան կարևոր է պատժամիջոցների հարցով բանաձև ընդունել ՄԱԿ ԱԽ-ում»:
«Մենք պետք է արագացնենք բանակցությունները՝ մշակելու համար խիստ և համալիր բանաձև, որը կազդի Կիմ Չեն Ինի հաշվարկների վրա, ով կրկին ու կրկին ցուցադրում է Անվտանգության խորհրդի բանաձևերի և միջազգային նորմերի նկատմամբ իր արհամարհանքը»,- ասել է նա:
