Եվրոպայի օրը կամ Երկրորդ համաշխարհային պատերազմի ավարտի օրը եվրոպական տարածքում տոնել են Տալլինի Մաարյամյաե բլրի վրա կառուցված հուշահամալիրում, հաղորդում է «Գոլոս Ռոսիի»-ն:
Էստոնական կառավարության կողմից միջոցառմանը մասնակցել է երկրի պաշտպանության նախարար Ուրմաս Ռեյնսալուն, որն իր ելույթում նշել է, որ Երկրորդ համաշխարհային պատերազմը մարդկության համար եղել է դառը դաս, որն այլևս չպետք է կրկնվի:
Լատվիայի Հանրապետության բարձրաստիճան պաշտոնյաները ծաղիկներ են դրել Ռիգայում Եղբայրական գերեզմանոցում և հարգել են զոհվածների հիշատակը: Արարողությանը մասնակցել է նաև երկրի նախագահ Անդրիս Բերզինշը, երկրի վարչապետ Վալդիս Դոմբրովսկիսը, Սեյմի խոսնակ Սոլվիտա Աբոլտինյան, Ռիգայի քաղաքապետ Նիլ Ուշակովը և այլոք:
Կոպենհագենում Բիսպեբյորգ գերեզմանատանը ծաղկեպսակներ են դրվել «Ռուսական հուշարձան» հուշակոթողի մոտ: Միջոցառման մասնակիցները աղոթել են զոհվածների հոգու հանգստության համար:
