Այս պահին ՀՅԴ-ն չի ցանկանում մեկնաբանել երեկ Երևանում կայացած ավագանու ընտրությունները և դրանց արդյունքում ստացված նախնական տվյալները: «Առաջին լրատվական»-ը մեկնաբանություն ստանալու նպատակով փորձեց կապ հաստատել ՀՅԴ Հայաստանի ԳՄ փոխներկայացուցիչներ Աղվան Վարդանյանի և Արսեն Համբարձումյանի հետ: Աղվան Վարդանյանը մեզ հետ զրույցում ասաց, որ, բնականաբար, երեկ կայացած ընտրությունների վերաբերյալ ՀՅԴ-ն իր դիրքորոշումը կներկայացնի և բոլոր լրատվամիջոցներն այդպիսով կստանան իրենց հուզող բոլոր հարցերի պատասխանները: Բայց նա հստակեցրեց, որ դա կլինի քիչ ուշ:
Հիշեցնենք, որ Երևանի ավագանու ընտրությունների նախնական արդյունքների համաձայն ընտրություններում առաջադևրված երեք կուսակցությունները՝ ՕԵԿ-ը, ՀՅԴ-ն և «Առաքելություն»-ը չեն հաղթահարել 6% շեմը: Նշենք, որ Երևանի ավագանու ընտրությունների ՀՅԴ ցուցակը գլխավորում էր Արմեն Ռուստամյանը, ում ցուցակում հաջորդում էր Աղվան Վարդանյանը:
Լուսանկարը՝ PanARMENIAN Photo-ի
