«Աստղային պատերազմներ. ուժի զարթոնք» ֆիլմի գլխավոր դերակատարներից մեկը` Հարիսոն Ֆորդը անակնկալի է բերում երկրպագուներին Skype-ով: Տեսանյութը, որտեղ Omaze հիմնադրամի աշխատակիցների հետ երկրպագուների զրույցի ժամանակ Ֆորդն անսպասելիորեն հայտնվում է դրվագում, մի օրվա մեջ հավաքել է մոտ 600 հազար դիտում, հայտնում է Lenta.ru-ն:
Դերասանը մասնակցել է Force For Change ակցիային, որը կազմակերպել է Omaze բարեգործական հիմնադրամը: Նա հետաքրքրվել է խոսակիցներից, թե ով է ֆիլմում նրանց սիրելի կերպարը և մի քանի կատակներ է արել, օրինակ` աղջիկներից մեկի մոտ տեսնելով Չուբակիի լուսանկարը, նա հարցրել է թե դա նրա ընկերն է և ավելացրել, որ նա կարող է իրեն ավելի լավ ընկեր գտնել:
