Չինաստանում չինացի միլիարդատեր Չժան Ինցին առևանգողները ստիպել են խեղդամահ անել մերսման սրահի 23-ամյա աշխատակցուհուն: Կատարվածը նրանք տեսագրել են, իսկ հետո ազատ արձակել տղամարդուն` նրա համար 100 մլն յուանի չափով (15.6 մլն դոլար) փրկագին ստանալով: Այս մասին հաղորդում է The South China Morning Post-ը:
Չժան Ինցիի խոսքերով` առևանգողները հույս ունեին, որ ազատության մեջ հայտնվելով` ինքը ոստիկանություն չի դիմի: Սակայն միլիարդատերն ազատ արձակվելուց անմիջապես հետո իրավապահների մոտ է գնացել:
Ոստիկանները ձերբակալել են բոլոր 4 կասկածյալներին: Հանցագործության վայրում հայտնաբերվել է վառարանը, որտեղ վառել են երիտասարդ կնոջ մարմինը: