«Տեղի ունեցածը հրեշավոր հանցագործություն էր, ավելի սթափեցնող հետևանք ուներ ամբողջ աշխարհի համար,- անդրադառնալով Փարիզում տեղի ունեցած ահաբեկչությանը՝ «Առաջին լրատվական»-ի հետ զրույցում ասաց ԱԺ Ժառանգություն խմբակցության պատգամավոր Ալեքսանդր Արզումանյանը:- Ամբողջ քաղաքակիրթ աշխարհին ձեռնոց է նետված, և այստեղ խոսքը 6-7-րդ դարերի՝ այդ մութ դարերի տրամաբանությամբ ընթացող «Իսլամական պետություն» կոչված արհավիրքի դեմ ընդհանուր քաղաքակիրթ աշխարհի պայքարի մասին է»:
Ալեքսանդր Արզումանյանի դիտարկմամբ՝ Հայաստանը, մեր շահերից ելնելով, պետք է այնպիսի հարաբերությունների մեջ մտնի, որոնք համահունչ են ընդհանուր վեկտորին: Եվ քանի որ Հայաստանը որևէ կոալիցիայի անդամ չէ՝ ընդդեմ Իսլամական պետության, ապա նրա թիրախում չի հայտնվի. «Եթե խոսքը հնարավոր հարձակումներին է վերաբերում, ապա կարծում եմ՝ վտանգը միշտ էլ կա այնքանով, որ մենք այդ տարածաշրջանում ունենք համայնք, որ նաև մասնակցում է տարբեր ռազմական գործողությունների և կարող է դժգոհություններ առաջացնել, բայց դա չի նշանակում, որ մենք պետք է մեկուսի լինենք և անտարբեր այս բոլոր անցուդարձներին»:
«Բակո Սահակյանի ասածները համատեքստից դուրս են մեջբերվում և մեկնաբանվում են այլ կերպ,- նշեց մեր զրուցակիցը,- նա ընդամենը ասել է, որ արդեն տարիներ շարունակ պայքարում է տեռորիզմի դեմ, և շատ լավ պատկերացնում է՝ ինչ ասել է միջազգային տեռորիզմ, ԼՂ-ն դա շատ լավ գիտակցում է, և պատրաստ է շարունակել: Եվ այն բանից հետո, երբ Ստեփանակերտի օդանավակայանը շահագործման կհանձնվի և կսկսի գործել լիակատար, կարելի է քննարկել պայքարին մասնակցելու հնարավոր բոլոր տարբերակները: Այսինքն՝ այնտեղ որևէ հարց չկար, թե ում հետ համագործակցելու մասին է խոսքը:
Մենք և ԼՂ-ն տարբեր դիրքերից ենք հանդես գալիս, ԼՂ-ն պայքարում է իր իրավունքների ճանաչման համար: Դա ողջունելի է»:
Մանրամասները տեսանյութում:
