Middle East Monitor-ի փոխանցմամբ` Թեհրանը խոստովանել է, որ Սիրիայի նախագահին գահընկեց կարող էին անել երկու տարի առաջ։ Իրանի փոխարտգործնախարար Հոսեին Ամիր Աբդոլահիանը հայտարարել է, որ Իրանի իշխանությունները երկու տարի առաջ քաղաքական ապաստան են առաջարկել Սիրիայի նախագահ Բաշար Ասադին։
Սակայն Սիրիայի նախագահը հրաժարվել է Իրանի առաջարկից՝ իր որոշումը հիմնավորելով նրանով, որ նա մնալու է երկրում մինչև վերջ։ Աբդոլահիանի խոսքերով՝ Իրանն Ասադին ցուցաբերել է ամենամեծ աջակցությունը՝ սկսած 2011 թվականի պատերազմի մեկնարկից. «Մենք վերջին տարիներին շատ մեծ գին ենք վճարել, և այդ երկրում կորցրել ենք մեր լավագույններին։ Ասադի իշխանությունը կընկներ պատերազմի սկլսվելուց 2 կամ 3 տարի անց, եթե չլիներ Իրանի աջակցությունը»։
Որոշակի տեղեկություններով՝ Իրանը Սիրիայի պատերազմի ժամանակ կորցրել է 400 մարդ՝ գերազանցապետ Իսլամական հեղափոխության պահակազորի մարտիկներ։
