Ռուսական RIA Novosti լրատվական գործակալության փոխանցմամբ՝ ԱՄՆ նախագահի պոտենցիալ թեկնածու, միլիարդատեր Դոնալդ Թրամփն ԱՄՆ գործող նախագահին կոչ է արել ահաբեկչության դեմ պայքարում իրերը կոչել իրենց անուններով։
Թրամփը Twitter-ի իր միկրոբլոգում գրել է. «Ե՞րբ նախագահ Օբաման կսկսի օգտագործել «արմատական իսլամական ահաբեկչություն» բառերը։ Նա չի կարող ասել դա և քանի դեռ չի ասել, խնդիրը չի լուծվի։ Ինչո՞ւ Օբաման չի օգտագործում «իսլամական ահաբեկչություն» տերմինը։ Մի՞թե տեղի ունեցածից, այդքան մարդկանց զոհվելուց հետո չի եկել դրա ժամանակը»։
ԱՄՆ նախագահ Բարաք Օբաման Փարիզի ահաբեկչություններից ժամեր առաջ հայտարարել էր, որ ԴԱԻՇ-ի ահաբեկչական սպառնալիքը տեղայնացված է։
