Այսօր` նոյեմբերի 15-ին, ողբերգական ավտովթար է տեղի ունեցել Սյունիքի մարզում: Ժամը 08:00-ի սահմաններում Տարածքային կառավարման և արտակարգ իրավիճակների նախարարության փրկարար ծառայության օպերատիվ կառավարման կենտրոն ահազանգ է ստացվել, որ Երևան- Մեղրի ավտոճանապարհի 376 կմ հատվածում` Մեղրի գետում ավտոմեքենա է ընկել:
Ինչպես հայտնում է shamshyan.com-ը, ժամանել է Մեղրիի հրշեջ-փրկարարական ջոկատը: Ժամանել է նաև ոստիկանության Մեղրիի բաժնի օպերատիվ խումբը: Օպերատիվորեն նշված վայր են ժամանել նաև ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի աշխատակիցները` վաշտի հրամանատար Անդրանիկ Շաղոյանի, հրամանատարի տեղակալ Գեղամ Մարգարյանի, դասակի հրամանատար Արթուր Ոսկանյանի գլխավորությամբ:
Հրշեջներն ու ոստիկանները քաղաքացիների օգնությամբ գետում հայտնված Nissan Teana մակնիշի 34 ZC 231 համարանիշի ավտոմեքենայից դուրս են բերել Շվանիձոր գյուղի բնակիչ, 24-ամյա Վոլոդյա Մարտիրոսյանի դին: Այս պահին վերամբարձ կռունկի միջոցով փորձում են դուրս բերել գլխիվայր շրջված ավտոմեքենան, որի մեջ է նաև մյուս մահացածը` Արամ Ասլանյանը, ում ծննդյան թիվն ու բնակության վայրը ճշտվում են:
Մանրամասները՝ shamshyan.com-ում
