Շվեդիայի կառավարությունը, բախվելով ռեկորդային թվով փախստականների տեղավորման անհրաժեշտությանը, ժամանակավորապես սահմանում է սահմանային վերահսկողություն։ Այս մասին հայտնում է Reuters գործակալությունը։
Ինչպես նշվում է՝ այդ որոշումն արտացոլում է Շվեդիայի իշխանությունների մտավախությունը, որ նրանք հասել են ապաստան փնտրող անձանց ընդունման իրենց հնարավորությունների սահմանին։ Ըստ կանխատեսումների՝ այս տարի երկիր կժամանի 190 հազար մարդ, ինչը ռեկորդային ցուցանիշ է։
Ներկայում Շվեդիան ընդունում է բնակչության մեկ շնչի հաշվով ավելի շատ փախստականի, քան ԵՄ որևէ այլ երկիր։
Կառավարությունը հայտնում է ռեկորդային թվով ներգաղթյալների մասին, ինչը կարող է վտանգ ներկայացնել հասարակական կարգի համար։ Միջոցառումը հարկադիր է և ժամանակավոր։
Միայն սեպտեմբերի սկզբից երկիր է ժամանել մոտ 80 հազար փախստական՝ այնքան, որքան ողջ 2014 թվականին։
