Սիրիայում և Իրաքում գործում է 4 ցանց, որոնք զբաղվում են իսլամիստների ձեռքում գերության մեջ հայտնված մարդկանց փրկությամբ: Այս մասին գրում է Corriere della Sera թերթը:
10-ամյա Դահիլը պատմում է. «ԴԱԻՇ-ի մարդիկ ինձ ծեծում էին էլեկտրահաղորդալարերով: Խփում էին մեջքիս, ձեռքերիս, ոտքերիս: Նրանք մեզ ծեծում էին մարզման ժամանակ, և երբ մենք վատ էինք սովորում Ղուրանը, և առանց որևէ պատճառի: Նրանք ասում էին, որ մեզ կուղարկեն անհավատներին, եզդիներին ու Քրդստանի աշխատավորական կուսակցությանը սպանելու: Նրանք մեզ ասում էին՝ «դուք կամիկաձե կդառնաք»»: Նշվում է, որ տղան վստահ է խոսել, բայց երբեմն նրա ձռքերը դողացել են:
Սա տեղի է ունենում Maahad-ում՝ ԴԱԻՇ-ի դպրոցում, որը գտնվում է թուրք-սիրիական սահմանին: Այնտեղ հավաքել են 100 եզդի երեխաների՝ 5-16 տարեկան և նրանց վերամշակում են, որ նրանք կռվեն իրենց իսկ ժողովրդի դեմ: Դահիլին հաջողվել է ընտանիք վերադառնալ, հիմա նա ապրում է Իրաքյան Քրդստանում՝ փախստականների ճամբարում, ասվում է հոդվածում:
Իրաքյան Քրդստանի կառավարության տվյալներով՝ ԴԱԻՇ-ի ձեռքում մնում է 1899 եզդի կին և աղջիկ, որոնք վերածվել ենսեքսուալ ստրուկների, և 1821 արական սեռի ներկայացուցիչ (շատ տղաներ): Դահիլը տուն է վերադարձել միայն որովհետև նրա ընտանիքը 30 000 դոլար է վճարել, այդպիսի դեպքերը քիչ չեն: Այդ փողերի մեծ մասն ուղղվում է ԴԱԻՇ-ի գանձարան, գրում է պարբերականը:
9-ամյա Ազադին վերջերս են ազատել Ռաքքայում ԴԱԻՇ-ի դպրոցից: Նա ասում է. «Չեմ ուզում շրջագայել, չեմ ուզում ոչ մի տեղ մեկնել»: Ազադի հորը հաջողվել է ողջ մնալ եզդիների հանդեպ զանգվածային սպանդից. տղամարդկանց առաջարկել են ընտրելէ իսլամ ընդունել, կամ մեռնել: Բոլորը մահն են ընտրել, բայց Ազադի հայրը կարողացել է դուրս պրծնել դիակների կույտից ու փախչել:
Հայրերին սպանում են, տղաների ուղեղը լվանում են: «3 ժամ Ղուրան, 8 ժամ մարզումներ զենքով, ևս 7 ժամ՝ ֆիզիկական պատրաստություն»,- այսպես են անցել Ազադիև շատ այլ երեխաների օրերը: Պատրաստությամբ զբաղվել է սաուդցի Աբու Շոկը. «Նա մեզ մահապատիժների տեսանյութեր էր ցույց տալիս: Նա խոստացել է, որ մեզ զենք, փող և ռումբ կտա, որ մենք պայթեինք Քրդստանում: Նա ասում էր. «Դուք տուն չեք վերադառնա»: Ես լաց չէի լինում, դա արգելված էր: Բայց ես մտածում էի, որ Ամերիկան կգա ինձ փրկելու»: Բայց նրա փոխարեն եկավ Աբու Սուլեյմանը՝ այլ ԴԱԻՇ-ցի: «ԱբուՍուլեյմանը 20 000 դոլար տվեց Աբու Շոկին,- շարունակում է Ազադը:- Նա ասաց. «Ես վերցնում եմ այս տղային նրան մարզելու համար»: Բայց հետո նա կտրեղ մորուքն ու մազերը և մեզ Թուրքիա տարավ»: Գրոհայինը եզդի-ստրկուհի ուներ, որին նա բռնաբարում էր, պատմում է երեխան, բայց, ըստ նրա՝ նա լավն էր: Նա ազատել է նրա մորն ու քրոջը ու ևս 17 երեխայի իրենից առաջ:
Այդպիսի գործողությունները կազմակերպում են եզդիները, ասվում է հոդվածում: Կա առնվազն 4 «փրկության ցանց», 3-ը՝ Սիրիայում և 1-ը՝ Իրաքում:
