Ռուսական RIA Novosti լրատվական գործակալության փոխանցմամբ՝ Թուրքիան հուսով է, որ այն բանից հետո, ինչ Ռուսաստանը դադարեցրել է Եգիպտոսի հետ ավիահաղորդակցությունը, երկրում կմեծանա ռուս զբոսաշրջիկների թիվը։ Այդ մասին հայտարարել է Թուրքիայի զբոսաշրջային գործակալությունների միության նախագահ Բաշարան Ուլուսոյը:
«Մենք շատ ենք հարգում պարոն Պուտինին և կարծում ենք, որ նրա որոշումն արդարացված ու հասկանալի է։ Սակայն չենք պատրաստվում ուրախանալ այլ երկրում ռուսաստանցիների հետ տեղի ունեցած դժբախտությունից, որպեսզի օգտվենք այս իրավիճակից։ Սակայն մենք մշտապես ուրախ ենք Թուրքիայում տեսնել մեր ռուս ընկերներին։ Հուսով ենք, որ ռուս զբոսաշրջիկների թիվը կաճի»։
