ՊՍԺ-ի գլխավոր մարզիչ Լորան Բլանը նշել է, թե ինչ սպասելիքներ ունի Չեմպիոնների լիգայի գավաթի խաղարկության խմբային փուլի Մադրիդի «Ռեալ»-ի դեմ արտագնա խաղից:
«Փարիզում «Ռեալ»-ն ավելի լավ էր տիրում գնդակին և ավելի արագ էր խաղում: Այս անգամ ամեն ինչ այլ կերպ կլինի: Մեզ համար մեծ պատիվ կլինի հաղթել «արքայական ակումբ»-ին: Բայց դա վճռորոշ չի լինի մեր ապագայի համար:
Նախորդ տարի խմբային փուլում առավելության հասանք «Բարսելոնա»-ի նկատմամբ, բայց անգամ կիսաեզրափակչի ուղեգիր չնվաճեցինք: «Ռեալ»-ը կազմակերպված խաղ է ցուցադրում: Մենք դեռ չենք հասել այդ մակարդակին, բայց նույնպես գերազանց ենք խաղում:
Հարգում ենք մրցակցին, սակայն հաղթելու մեծ ցանկություն ունենք: ՊՍԺ-ն Մադրիդում է՝ իր ֆուտբոլը թելադրելու համար»,- ՈւԵՖԱ-ի պաշտոնական կայքը մեջբերում է Բլանի խոսքերը:
