Ամերիկյան Associated Press լրատվական գործակալության փոխանցմամբ՝ ԱՄՆ նախագահ Բարաք Օբաման թույլատրել է Սիրիայի հյուսիս ամերիկյան 50 հատուկջոկատայիններից բաղկացած ոչ մեծ խմբի տեղակայումը։
Տվյալ խմբի առաջադրանքն է տարածաշրջանում տեղի ուժերին օգնել ԴԱԻՇ-ի դեմ պայքարի հարցերում։ Բացի այդ, ԱՄՆ-ը Թուրքիայում գտնվող «Ինջիրլիքի» ավիաբազա է ուղարկում F-15 կործանիչներ ու А-10 գրոհային ինքնաթիռներ։
Դրանք անհրաժեշտության դեպքում կարող են աջակցել ամերիկյան ջոկատին։ Ավելի վաղ Reuters-ը հայտնել էր, որ ԱՄՆ-ը կարող է ամենամոտ ժամանակներս Սիրիայում տեղակայել սահմանափակ թվով հատուկջոկատայինների, որոնք հանդես կգան «խորհրդատուների» դերում։
