Նեպալում ընտրել են առաջին կին նախագահին, որը երկրի Կոմունիստական կուսակցության կազմից է: Այս մասին հաղորդում է Associated Press-ը:
Երկրի խորհրդարանի խոսնակը հայտարարել է, որ Բիդհայա Դևի Բհանդարին` Նեպալի Կոմունիստական կուսակցությունից, ստացել է խորհրդարանի ձայներից 327-ը, իսկ նրա հակառակորդը` 214-ը: Նա դարձել է Նեպալի առաջին կին նախագահը:
Բհանդարին Կոմունիստական կուսակցության նախագահի տեղակալն է, որի ղեկավարը երկրի նոր վարչապետ Կհագդա Փրասադ Օլին է:
Նոր նախագահը վաղուց է հանդես եկել Նեպալում կանանց իրավունքների օգտին, երկրի տարբեր ոլորտներում կանանց ակտիվ մասնակցության օգտին, այդ թվում` քաղաքականության մեջ:
