Իտալիայի կենտրոնական բանկի նախագահ Մարիո Դրագին ստացել է Ֆրանսիայի նախագահ Նիկոլա Սարկոզիի աջակցությունը Եվրոպական կենտրոնական բանկի նախագահի պաշտոնը ստանձնելու համար:
Այս մասին հաղորդում է Bloomberg գործակալությունը` տեղեկացնելով, որ ընտրությունները կայանալու են այս տարվա հունիսին:
Ապրիլի 26-ին Սարկոզիի և Իտալիայի վարչապետ Սիլվիո Բեռլուսկոնիի հանդիպման ժամանակ այս մասին պաշտոնապես կհայտարարվի: Գործակալությունը նշում է, որ կարծես գերմանացիներն էլ են հակված Դրագիի թեկնածությանը, թեպետ Անգելա Մերկելը մտավախություն ունի` կապված երկրի ընդդիմության դիրքորոշման հետ, քանի որ այնտեղ հավանություն չեն տալիս Իտալիայի ԿԲ վարած քաղաքականությանը:
Հիշեցնենք, որ Եվրոպական կենտրոնական բանկի ղեկավարի պաշտոնը 2003թ.-ից գլխավորում է ֆրանսիացի Ժան Կլոդ Տրիշեն:
