ՀՀ Հանրային խորհրդի ներկայիս նախագահ Վազգեն Մանուկյանը, 1996 թվականի նախագահական ընտրություններում լինելով ընդդիմության միասնական թեկնածու, պաշտոնական տվյալներով պարտություն կրեց Լևոն Տեր-Պետրոսյանից:
«Առաջին լրատվական»-ը նրանից փորձեց ճշտել՝ ի՞նչ կարծիքի է Րաֆֆի Հովհաննիսյանի երդմնակալության մասին, ով նույնպես չի ընդունում նախագահական ընտրությունների արդյունքները և որոշել է նման քայլի դիմել:
«Առաջին անգամ է, չէ՞, Հայաստանում նման բան լինում, ի՞նչ կարող եմ ասել՝ ոչ մի բան էլ չեմ կարող ասել, հույս չունի, երևի, որևէ այլ բանի: Կարող եմ բնութագրել որպես մի ներկայացում՝ առանց իրավական հիմքի: Անկեղծ ասած, ես առանձնապես կարծիք չունեմ այդ մասին ու այդքան շատ էլ չեմ կարևորում: Ես լուծումներ չեմ տեսնում»,- ասաց նա՝ հավելելով, որ դա իր համար պարզապես մի քայլ է, որը ոչ մի անգամ չի կատարվել. «Սա առաջին դեպքն է՝ այդքան բան: Ես քաղաքական իմաստ չեմ տեսնում»,- իր խոսքը եզրափակեց Վ. Մանուկյանը:
Լուսանկարը՝ PanARMENIAN Photo-ի
