Հայտնի դերասաններ Ջեյմս Քրոմվելն ու Ժան Ռենոն ևս կխաղան վերջերս մահացած հայ միլիարդատեր Քըրք Քըրքորյանին պատկանած «Թրասինտա» ընկերության կողմից նախաձեռնված «Խոստում» ֆիլմում: Ֆիլմը կէկրանավորի «Սըրվայվըլ Փիքչըրզ» ստուդիան, որը պատկանում է «Թրասինտա»-ին:
Նախապես արդեն հայտնի էր, որ ֆիլմում գլխավոր դերակատարը Քրիստիան Բեյլն է: Քրոմվելը պիտի մարմնավորի ԱՄՆ դեսպանի, իսկ Ռենոն՝ ֆրանսիացի ծովակալի:
«Խոստում»-ը սիրո հրաշալի պատմություն է, որ իր դռները պիտի բացի մարդու իրավունքների պաշտպանության գործում: Այս ֆիլմը կիրականացնի Քըրք Քըրքորյանի վաղեմի երազանքը:
Շարժանկարի պատմությունը սկսվում է Օսմանյան կայսրության մայրամուտի օրերից: Նկարահանումները արդեն սկսվել են: Դրանք իրականացվում են Պորտուգալիայում և Կանարյան կղզիներում:
