«Որևէ արտառոց բան տեղի չի ունեցել: Խմբակցությունը քննարկել է մեր բոլորի բացակայության հարցը, և մեր բոլորի բացակայությունը խմբակցությունը համարել է հարգելի: Այս փոփոխությունները սահմանադրության տիրույթ տեղափոխելը բացարձակապես անլուրջ է, այնպես չի, որ եկել են և քվեարկել են ոչ: Նույնիսկ եթե գային և դեմ քվեարկեին, դա կլիներ իրենց դիրքորոշումը: Դրա համար, բնականաբար որևէ պատժամիջոց չէր կիրառվի:
Կա ներկուսակցական խնդիր, կարծում եմ մենք կգտնենք միմյանց հետ աշխատելու ձևը, ես ինքս պատրաստ եմ աշխատանքը ճիշտ կազմակերպելու տարբերակներ գտնել, բայց մարդիկ փետրվարից այս կողմ որևէ կերպ չեն մասնակցում կուսակցության աշխատանքներին, խմբակցության նիստերին չեն գալիս:
Մեր խմբակցության քարտուղար Վահե Էնֆիաջյանը 2 օր շարունակ զանգահարել է Էլինար Վարդանյանին և Ստեփան Մելքումյանին՝ տեղեկացնելու, որ առաջացել են ներկուսակցական խնդիրներ, որոնք քննարկման անհրաժեշտություն են պահանջում, և նրանք չեն պատասխանել խմբակցության քարտուղարի հոեռախոսազանգերին»:
