ՄԱԿ-ի ԱԽ-ն անհրաժեշտ է համալրել նոր մշտական անդամներով, հակառակ դեպքում այն կարող է աստիճանաբար կորցնել ազդեցությունը միջազգային ասպարեզում: Այսպիսի կարծիք է հայտնել ՄԱԿ-ի նախկին գլխավոր քարտուղար Քոֆի Անանը The Guardian-ին տված հարցազրույցում:
Անանի կարծիքով՝ Ռուսաստանը, Չինաստանը, Ֆրանսիան, Մեծ Բրիտանիան պետք է օգտվեն ՄԱԿ-ի մոտեցող 70-ամյա հոբելյանից՝ արդիականացնելու համար համաշխարհային անվտանգության գերագույն մարմինը, և դրանում ընդունեն այնպիսի տերությունների, ինչպիսիք են Հնդկաստանն ու Գերմանիան:
«Ես վստահ եմ, որ խորհուրդը պետք է բարեփոխել: Այն չի կարող մնալ այնպիսին, ինչպիսին հիմա է: Աշխարհը փոխվել է, և ՄԱԿ-ը նույնպես պետք է փոխվի ու հարմարեցվի: Եթե մենք չփոխենք խորհուրդը, մենք կարող ենք հայտնվել այնպիսի իրավիճակում, երբ նրա առաջնայնությունը կարող են վիճարկել ինչ-որ նոր զարգացող երկրներ: Կարծում եմ՝ գերիշխող դիրք գրավող երկրները պետք է մտածեն և որոշեն, թե լիազորությունների ինչպիսի ծավալ են նրանք պատրաստ փոխանցել՝ նորեկների մասնակցությունը զգալի դարձնելու համար: Եթե դա նրանք անեն, համագործակցություն կստանան, եթե ոչ, մենք կարող են հանդիպել առճակատման»,- ասել է Անանը: