![](https://www.1in.am/assets/uploads/2015/09/139.jpg)
Համաձայն նոր զեկույցի՝ ավելի քան 700 հազար կանայք ու աղջիկներ աշխարհում պահվում են ճաղերի հետևում։ Այս մասին փոխանցում է BBC-ն։
Լոնդոնի համալսարանի Քրեական քաղաքականության հետազոտությունների ինստիտուտի գիտնականները տեղեկատվություն են հավաքել 219 երկրներից և պարզել, որ կին բանտարկյալների թիվը 2000 թվականից կրկնապատկվել է։
Այդ թվի աճը խիստ գերազանցել է համանման ցուցանիշը տղամարդկանց պարագայում։
Փաստաթղթում նշվում է, որ կին բանտարկյալների թիվը կտրուկ աճել է հատկապես Սալվադորում, Բրազիլիայում, Կամբոջայում և Ինդոնեզիայում։
Զեկույցում ասվում է, որ թիվը կարող է ավելին լինել, սակայն շատ երկրներ չեն բացահայտում բանտային վիճակագրությունը։
Զեկույցի հեղինակները կարծում են, որ կառավարությունները պետք է ուշադրություն դարձնեն այդ տվյալներին, քանի որ կին բանտարկյալները անձամբ են դառնում հանցագործությունների զոհ։