Իրանական ISNA լրատվական գործակալության փոխանցմամբ՝ Իրանի ռազմածովային ուժերի հրամանատար, դերծովակալ Հաբիբոլլահ Սայարին հայտարարել է, որ Իրանը մտադիր է համատեղ զորավարժություններ անցկացնել Ռուսաստանի ռազմածովային ուժերի հետ:
«Մենք համատեղ զորավարժություններ կանցկացնենք Ռուսաստանի ռազմածովային ուժերի հետ։ Ոչ վաղ անցյալում մենք մեր տարածքային ջրերում համատեղ զորավարժություններ ենք անցկացրել Հնդկաստանի ու Ռուսաստանի նավատորմների հետ։ Իրանի ռազմածովային ուժերի ռազմանավերը մոտ ժամանակներս կմեկնեն Ռուսաստան»,- ասել է Հաբիբոլլահ Սայարին։
Սայարին ընդգծել է, որ միջազգային ջրերում իրանական ռազմանավերի առկայությունը ծառայում է որպես Իրանի հզորությունն ի ցույց դնելու ցուցիչ։
