Երաժիշտ Օզի Օսբորնը և նրա կինը` Շերոնը, կրկին վաճառքի են հանել Կալիֆոռնիայում գտնվող իրենց առանձնատունը` գնահատելով այն 11.5 միլիոն դոլար:
Ինչպես հաղորդում է The Los Angele Times-ը, Օսբորներն իրենց առանձնատունը ձեռք են բերել 2007թ.՝ 12.4 միլիոն դոլարով, իսկ 2011թ. այն փորձել են վաճառել 13 միլիոն դոլարով կամ վարձով տալ ամսական 50 հազար դոլարով:
Շինությունը կառուցվել է 2001թ., այսպես կոչված, «Քեյթ-Կոդ ոճով»: Առանձնատունն ունի երաժշտական ստուդիա, տնային թատրոն, բուխարիով աշխատասենյակ, ընտանեկան սենյակ, վեց ննջարան և հյուրասենյակներ` փոքր խոհանոցներով, իսկ բակում կա լողավազան:
Օզի Օսբորնը բրիտանացի վոկալիստ է՝ Black Sabbath խմբի հիմնադիրներից և անդամներից մեկը: Նրա կինը՝ Շերոնը, հեռուստահաղորդավարուհի է և իր ամուսնու մենեջերը:
