Գիտնականների մի խումբ, Քվենթին Փարքերի և Ալբերտ Զիյսթրիի գլխավորությամբ, Ծիր Կաթինի բաղադրիչ օբյեկտներն ուսումնասիրելիս այդ գալակտիկայի հարավային մասում հազվագյուտ երևույթ է հայտնաբերել, գրում է telegraf.com-ը:
Աստղագետները հանդիպել են երկնային շրջանաձև օբյեկտի, որն առջացել է երկու գալակտիկաների ճակատային բախումից: Գիտնականներն այդ անսովոր երևույթն անվանել են «Կատրինի անիվ», որը գտնվում է Երկրից 30 մլն լուսային տարի հեռավորության վրա:
«Կատրինի անիվ»-ն առաջացել է աստղերի ձևավորման ընթացքում արտազատվող ալիքներից: Այդ շրջանաձև գալակտիկան նմանատիպ երկնային երևույթներից Երկրին ամենամոտ գտնվողն է: Գիտնականները նշում են, որ նախկինում հնարավոր չի եղել այն նկատել Ծիր Կաթինի ծայրամասում գտնվելու պատճառով, իսկ մոտերքում նրան իր լույսով ստվերում է բավականին լուսավոր մի աստղ: Գալակտիկան իր անունը ստացել է գիտնականների խմբի անդամներից մեկի կնոջ պատվին:
