Սիրիայի քրիստոնյա բնակչության մոտ կեսը ռազմական գործողությունների պատճառով վերջին տարիներին լքել է երկիրը։
Մոտ 700 հազար քրիստոնյաներ ստիպված են եղել փախչել երկրից՝ հայտնել է «Օգնություն աղետի մեջ գտնվող եկեղեցուն» միջազգային բարեգործական կազմակերպության ներկայացուցիչ Ջոն Նյուտոնը՝ փոխանցում է The Christian Post-ը։
«Մինչ պատերազմի սկսվելն այնտեղ ապրել է 1.75 մլն քրիստոնյա։ Դա նշանակում է, որ սիրիացի քրիստոնյաների մոտ 40 տոկոսը հեռացել է»,- հայտարարել է նա։
Մասնավորապես, քրիստոնեական Մաալյուլա գյուղում մնացել է մի քանի հարյուր բնակիչ՝ նախկին 3000-անոց բնակչությունից։ Այդ գյուղում գտնվում են հնագույն քրիստոնեական տաճարներ, իսկ դրա բնակիչները խոսում են գրեթե անհետացած արամերենով, որով խոսել է Հիսուսը։
Նյուտոնի խոսքով՝ Իրաքում 120 հազար քրիստոնյաներ են լքել իրենց տները։ Շատերը դուրս են եկել երկրից։
