Rosbalt լրատվական գործակալության փոխանցմամբ՝ աշխատանքային ժամերից դուրս աշխատանքային հարցերով հասանելի լինելու զգացումը՝ հեռախոսազանգերին, էլեկտրոնային նամակագրությանը, չաթին պատասխանելու անհրաժեշտությունը, առաջացնում է բարձր տագնապ ու սթրես։
Նման եզրահանգման են եկել Համբուրգի (Գերմանիա) համալսարանի հոգեբանները։ Հետազոտությանը մասնակցել է 132 մարդ, որոնք աշխատում են 13 տարբեր վայրերում։ Նրանք բոլորն էլ չորս օրվա ընթացքում պատասխանել են նույն հարցերին՝ գտնվելով աշխատավայրում և ևս 4 օր՝ արդեն աշխատավայրից դուրս։
Պարզվել է, որ մասնակիցների կեսի մոտ ի հայտ է եկել սթրեսային իրավիճակ։ Հետազոտությունը վկայել է, որ երբ մասնակիցները գտնվել են աշխատավայրից դուրս, իրենց զգացել են խոցելի աշխատանքային շփումների հանդեպ, նրանց մոտ բարձրացել է կորտիզոլի մակարդակը, ընդհանուր առմամբ նրանք եղել են չափից ավելի անհանգիստ և սթրեսային վիճակում։
