Ռայան Ռեյնոլդսն ու Բլեյք Լայվլին շատ երկար և խնամքով թաքցրել են իրենց հարաբերությունները, հետո նաև՝ նշանադրությունն ու հարսանիքը: Չնայած նրանք արդեն բավական ժամանակ ամուսիններ են՝ նախկինի պես նախընտրում են չլուսանկարվել և նույնիսկ միասին չերևալ հասարակական վայրերում: Միասին չերևալու իրենց ձգտումը նրանք ցուցադրել են կարմիր գորգի վրա՝ «Քրուդների ընտանիքն» անիմացիոն ֆիլմի պրեմիերային, որում Ռայանը ձայնագրել է գլխավոր հերոսներից մեկին:
Դերասանը նկարվել է ում հետ ասես՝ Էմմա Սթոունի, իր կնոջ քրոջ, նույնիսկ հսկա խաղալիք համրուկի, սակայն ոչ իր կնոջ հետ: Բլեյքն էլ լուսանկարում երևացել է կամ հպարտ միայնության մեջ, կամ նույն սիրված համրուկի հետ: Սակայն աստղերին մոտ աղբյուրները պնդում են, որ դա բոլորովին էլ չի վկայում ընտանեկան հարաբերություններում խնդիրների մասին: Պարզապես Ռայանն ու Բլեյքը նախկինի պես ցանկանում են իրենց անձնական կյանքը հանրության աչքից հեռու պահել։
Հոլիվուդյան պապարացիների արխիվում Ռայանն ու Բլեյքը համատեղ լուսանկար չունեն: Այսպիսի պահվածքը, ամենայն հավանականությամբ, Ռայանի մտահղացումն է, քանի որ, ինչպես տեղեկացնում է raut.ru-ն, նա երբեք հանրության առաջ չի երևացել նաև նախորդ կնոջ՝ Սքարլեթ Յոհանսոնի հետ:
