Հարավկորեական Samsung Electronics-ը, որը սմարթֆոնների համաշխարհային խոշորագույն արտադրող է, 2015-ի երկրորդ եռամսյակում կրճատել է զուտ շահույթը 8 տոկոսով, քանի որ Galaxy S6-ի վաճառքը չի արդարացրել սպասումները։ Այս մասին հայտնում է Interfax-ը։
Samsung-ի շահույթն ընկնում է մի քանի եռամսյակ անընդմեջ՝ չինական և հնդկական արտադրողների կողմից աճող մրցակցության ֆոնին։
Ընկերության զուտ շահույթը ապրիլ-հունիս ամիսներին կազմել է 5.75 տրիլիոն վոն (4.9 մլր դոլար)՝ համեմատած անցած տարվա նույն ժամանակահատվածի 6.25 տրիլիոն վոնի հետ։
Բջջային սարքեր թողարկող ստորաբաժանման օպերացիոն շահույթը ընկել է 37.6 տոկոսով՝ հասնելով 2.76 տրիլիոն վոնի։
Galaxy S6-ի վաճառքը սկսվել է այս տարվա ապրիլին։
Ընկերության եռամսյակային եկամուտը նվազել է 7.3 տոկոսով՝ հասնելով 48.54 տրիլիոն վոնի։
