Հուլիսի 27-ին` ժամը 08:35-ին տեղեկություն է ստացվել, որ Մ-16 ավտոճանապարհին՝ Ոսկեպար գյուղի տարածքում, Ս. Ա.-ի վարած «Օպել Աստրա» մակնիշի 34 NV 820 պետհամարանիշով ավտոմեքենան դուրս է եկել ճանապարհի երթևեկելի մասից և ընկել Ոսկեպար գետը, ներսում հղի կին կա. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Ըստ Տարածքային կառավարման և արտակարգ իրավիճակների նախարարության պաշտոնական կայքի՝ դեռևս չբացահայտված հանգամանքներում՝ Նոյեմբերյան-Ոսկեպար ավտոճանապարհի 18-րդ կմ-ում, Ս. Ա.-ի վարած «Օպել Աստրա» մակնիշի 34 NV 820 պետհամարանիշով ավտոմեքենան դուրս է եկել ճանապարհի երթևեկելի հատվածից և ընկել Ոսկեպար գետը:
Մինչ հրշեջ-փրկարարների՝ կանչի վայր հասնելը՝ ուղևոր Ա. Զ.-ն (ծնվ. 1992թ.), տեղափոխվել է Նոյեմբերյանի ԲԿ:
Բժիշկների կողմից տուժածի առողջական վիճակը գնահատվել է բավարար:
Պարզվել է, որ ավտոմեքենան գետից դուրս բերելու համար անհրաժեշտ է հատուկ տեխնիկա:
