Ինտերպոլն ու 29 խոշորագույն դեղագործական ընկերություններ պայմանավորվել են կեղծված դեղորայքի դեմ համատեղ պայքարի վերաբերյալ, որոնք մեծ վտանգ են ներկայացնում ամբողջ աշխարհով մեկ միլիոնավոր մարդկանց կյանքի համար:
Ընկերությունները Ինտերպոլին 3 տարվա ընթացքում կտրամադրեն 6 մլն դոլար, որոնք ծախսվելու են կեղծ դեղորայքի արտադրության կանխման ուղղությամբ:
Ինչպես հայտարարվել է՝ շնորհիվ դեղորայքային ընկերությունների փողերի, Ինտերպոլը կարող է ավելի արդյունավետ հայտնաբերել և կանխել կեղծ դեղորայքի արտադրությամբ և վաճառքով զբաղվող խմբերին:
Ինտերպոլի գլխավոր քարտուղար Ռոնալդ Նոուբլի խոսքերով՝ աշխատանքի կարևոր ուղղություններից ևս մեկը կեղծ դեղորայքի սպառողների տեղեկացվածությունն է:
