Չինաստանի Կոմունիստական կուսակցության կարգապահական հարցերով կենտրոնական կոմիտեն հայտնել է, որ 2015 թվականի առաջին կիսամյակում իշխանությունները կոռուպցիայի համար պատժել են 19 հազար պաշտոնյայի։ Այսպիսով՝ կոռումպացված պաշտոնյաների ընդհանուր թիվը, որոնց 2012 թվականից սկսած պատասխանատվության են ենթարկել, հասել է 12 հազարի։ Այս մասին հայտնում է «Սինհուա» գործակալությունը։
«Ընթացիկ տարվա առաջին 6 ամիսներին պատժվածները ներքաշված են եղել 14 հազար գործերում»,- ասվում է հանձնաժողովի զեկույցում։
Ցուցանիշը վկայում է անցած տարվա համեմատ (ավելի քան 70 հազար պաշտոնյա) կոռումպացված պաշտոնյաների ձերբակալությունների կտրուկ նվազման մասին։
Դա վկայում է, որ վարքի 8 կանոնները, որոնք կառավարության կողմից ընդունվել էին 2012-ի դեկտեմբերի 4-ին, սկսել են աշխատել։
Կոռուպցիայի դեմ պայքարի լայնածավալ արշավը սկսվել էր 2012-ին՝ Սի Ցզինպինի իշխանության գալով։
